O Centro Social de Abanqueiro (Boiro) vai dar acollida este venres 14 de novembro a un espectáculo familiar para a rapazada: A cabaza encantada, unha representación teatral de Teatro Calavera. Será ás 19.30 horas e as entradas estarán dispoñíbeis dende unha hora antes da función.
Sinopse
Conto teatralizado e obradoiro de cociña. Os nosos protagonistas, O Cociñeiro Antón e a pasteleira Tomasa viven unha nova aventura para rir de medo. Un día Antón plantou unha semente, nunha maceta corrente, botoulle auga e terra e mantívose á espera. Agardou e agardou e co tempo medrou…unha cabaza! Era unha cabaza especial, á que lle gustaba asustar.
