O Ministerio de Cultura abriu este venres un procedemento previo (longamente agardado pola maioría dos españois) para dar os primeiros pasos conducentes á ilegalización en España da Fundación Nacional Francisco Franco, teóricamente adicada a fins culturais, históricos, biográficos e documentais que a Avogacía do Estado nega alegando para elo que, entre as súas actividades -como consta na páxina web da entidade- ten entre os seus fins manter o arquivo persoal de Franco e asegurar o seu acceso público, cousa que o Ministerio de Cultura rexeitou engadindo que o acceso é “opaco”.
A fundación ten entre os seus obxectivos o mantemento da biblioteca -con máis de 2.000 publicacións-, a loita contra a mal chamada Lei da Memória Histórica e a participación no debate cultural e político da España actual para poñer “de manifesto a vida e obra de Francisco Franco e a España que creou”.
O proceso para ilegalizar a fundación arrincou en xuño do ano pasado, cando o Ministerio de Cultura abriu un periodo de actuacións previas para obter información e elementos de xuizo destinados a motivar o comezo do procedemento. Foi iniciativa do mesmo Ministerio de Cultura, de quen depende o Protectorado de Fundacións, organismo ao que corresponde instar xudicialmente a extinción da citada Fundación.
O trámite de alegacións aberto o 31 de outubro é de dez días hábeis, cun periodo de proba que conducirá a unha proposta de resolución nova e un informe á Avogacía Xeral do Estado que deberá conducir á resolución final que instará á decisión xudicial.
Todo este proceso terá unha duración máxima de nove meses, deoendendo da estratexia que adopte a Fundación e dos documento que esta aporte para a defensa dos seus intereses.
