O Concello de Boiro organiza un curso de iniciación á lingua e cultura galegas. Esta formación está destinada a persoas maiores de 16 anos recentemente chegadas a Galicia e que queiran iniciarse na lingua e a cultura.
O curso será presencial, os mércores a partir do 15 de outubro no Centro Social de Boiro. Será dun total de 20 horas de formación nas que adquirirán nocións básicas sobre a cultura galega e iniciación no idioma.
As inscricións están abertas ata o día 14 de outubro e poden facerse presencialmente na Casa da Cultura de Boiro, no teléfono 981 84 84 25 ou no enderezo electrónico educacion@boiro.gal.
