A Casa da Cultura de Outes acolle unha exposición do XV Certame de Artesanía Antonio Fraguas do 21 de outubro ao 9 de novembro, en horario de mañá de 09:00 a 14:00 horas e de tarde 16:30 a 20:00 horas de luns a venres e o sábado de 11:00 a 13:00 horas. Este certame pon especial atención ás manifestacións artísticas, entendendo estas como sinais de identidade e tradicións dun pobo, valorando o traballo artesanal sen perder a contemporaneidade.
Nesta edición o xurado premiou na modalidade tradicional a Borja Canedo Martínez por coitelos de cociña Damasco, destacando o dominio do oficio, o uso dos distintos materiais (madeira e ferro) e a complexidade técnica, no proceso de elaboración e na estética final da obra.
Na modalidade contemporánea premiaron a Ezequiel Franchi Gil co seu traballo NASA, onde se destaca a mestura de técnicas tradicionais cunha visión moderna. El reinterpreta na súa obra ese aparello tan icónico da cultura marítima galega.
Ademais das pezas vencedoras, a exposición itinerante da Deputación da Coruña, reúne un total de 25 mais, dunha gran variedade de disciplinas como a xoiería, a cerámica, a carpintería, construción de instrumentos,…
