Este venres 26 de setembro temos unha cita musical de primeira liña na Igrexa de San Martiño de Noia, que será o escenario dun concerto coral moi especial a cargo do Coro “Amigos de la Ribera” (Ribera de Arriba – Asturias) e a Coral Feminina “Barbanza” (Noia). A cita será como dixemos este venres 26 de setembro de 2025 ás 21.00 horas.
A Coral Barbanza nace en outubro do ano 2021 a raíz dunha iniciativa do seu director, o profesor Alejandro Guillermo, para abrir un novo espazo de canto coral. Actualmente participan da mesma unhas 18 voces femininas, estudando un repertorio moi variado que inclúe desde música antiga, sacra, panxoliñas do Nadal, tradicional galega e popular. As súas primeiras presentacións foron en Noia na época de Nadal do pasado ano 2021 con dous concertos nas Igrexas de Sta. Cristina e San Martiño. Nos anos 2022 e 2023, a coral tivo moitas presentacións, non só en Noia senón tamén noutros puntos de Galicia e Portugal (Fermentelos). Nos primeiros meses de 2024 obtén o seu recoñecemento como asociación cultural.
