Rematou o seminario “Introdución teolóxica ao tema relixioso”, impartido polo teólogo aguiñés Andrés Torres Queiruga, nun ciclo formativo que se desenvolveu os días 5, 12 e 19 de maio nas instalacións do centro Lustres Rivas.
O relator, figura destacada no pensamento teolóxico contemporáneo, é membro da Real Academia Galega, do Consello da Cultura Galega, do Instituto de Estudos Padre Sarmiento e profesor emérito da Universidade de Santiago de Compostela. Ao longo das tres sesións, abordou cuestións fundamentais da teoloxía desde unha perspectiva actual e accesible, ofrecendo ferramentas para a reflexión crítica sobre o feito relixioso.
O seminario contou coa colaboración do persoal do centro Lustres Rivas —Alicia Padín, Montse Iglesias, Sara García e Unai González— que acompañaron o desenvolvemento das sesións e facilitaron a participación do público asistente.
A iniciativa foi valorada moi positivamente polos participantes, destacando a calidade das intervencións e a oportunidade de dialogar con unha das voces máis recoñecidas do pensamento galego contemporáneo no ámbito da teoloxía e da filosofía.
