A xunta de Goberno local de Rianxo vén de aprobar as bases das novas axudas municipais para favorecer a implantación de novas empresas e comercios no termo municipal. A iniciativa, segundo o expresado polo alcalde Julián Bustelo, busca atraer novos negocios ao noso municipio subvencionando parte dos gastos da súa posta en funcionamento. “Esta iniciativa, xunto con outras que xa se executaron, diríxense a favorecer a apertura de novos establecementos comercias no noso municipio coa finalidade de dinamizar a nosa pequena e mediana economía”, destacou o alcalde, engadindo que “cada novo establecemento que abre supón un chanzo máis no camiño cara a recuperación do dinamismo comercial do noso pobo”. O rexedor tamén puxo en valor tamén o feito de que no ano 2024 Rianxo freara a perda de empresas do sector do comercio e da hostalaría.
A persoas interesadas en acceder a esta nova liña de subvencións poderán presentar a súa solicitude a partir da publicación das bases non Boletín Oficial da Provincia. Poderán acceder a unha axuda de 2.000€ para cubrir gastos diversos, engadiu o alcalde.
