O Concello de Rianxo vén de informar da incorporación de catro traballadores para reforzar o Servizo de Obras. Trátase dun condutor, un oficial albanel, un peón de albanelería e un peón de aglomerado. Foron contratados a tempo completo e durante seis meses grazas ao programa PEL – Concellos da Deputación da Coruña. A finalidade deste programa é subvencionar os custos de contratación de traballadores e traballadoras que sexan demandantes de emprego nos distintos concellos e que se contraten expresamente para a realización de traballos necesarios para a prestación de servizos municipais.
A liña PEL Concellos leva repartidos 30.888.993,30 € desde a súa creación no ano 2016.
