A Asociación de Empresarios de Ribeira presentou os detalles da súa Campaña do Día de Nai (o 4 de maio), unha iniciativa “especial”, en palabras da patronal, que “busca incentivar as compras no municipio e agradecer o compromiso de todas as persoas que apostan polo pequeno comercio”.
A campaña foi dada a coñecer polo presidente da asociación, Francisco Martínez Gude, e polo concelleiro de Mercados, Vicente Mariño de Bricio.
O presidente destacou que nesta edición conseguiuse unha gran implicación por parte dos asociados, confirmándose a tendencia ascendente dos últimos anos. De feito, este ano van participar máis de 50 establecementos de Santa Uxía e da súa contorna.
A campaña desenvolverase entre este mércores 23 de abril e o 4 de maio, e a través dela, todas as persoas que merquen nos establecementos participantes entrarán no sorteo de 1.000 euros para gastar nun só día, unha cea para dúas persoas doada por Chicolino e dúas cestas da compra doadas por Gadis.
“Participar é moi doado”, sinalou o presidente da asociación, engadindo que “os clientes só terán que facer as súas compras nos locais adheridos á campaña e rexistrar os seus tíckets de compra na páxina da patronal”, a web empresariosriveira.com.
O sorteo realizarase o día 5 de maio as 12:00 no local que a Asociación de Empresarios de Ribeira ten na céntrica rúa de Rosalía de Castro.
Esta campaña esta co-financiada pola Xunta de Galicia.
