O Concello de Boiro organiza para os días lectivos da Semana Santa 2025 un obradoiro de actividades destinado a rapazada de 6 a 12 anos. As prazas son limitadas e para participar é necesario inscribirse previamente antes do 10 de abril. O Obradoiro de Pascua 2025 vaise desenvolver os días 14, 15, 16 e 21 de abril en horario de 10.00 a 13.30 horas no Centro Social de Cabo de Cruz. Durante estas xornadas a rapazada realizará actividades creativas, xogos, cociña…
Para participar cómpre ter inscrición previa, que se poderá facer mediante os teléfonos 981 84 84 25 ou 689 88 42 25 ou mediante o enderezo electrónico educacion@boiro.gal ata as 13.00 horas do 10 de abril.
