O Goberno de Ribeira e a oposición enfróntanse pola convocatoria da comisión informativa de urbanismo

03 Febreiro 2025

O Concello de Ribeira emitiu un comunicado no que desminte “de maneira categórica” as declaracións recentes do grupo local do Partido Popular, que cualifica de “falsas”, nas que se afirmaba que os seus representantes non foron convocados á comisión informativa de Urbanismo e Infraestruturas, que se celebra este luns 3 de febreiro ás 20:00 horas, como órgano previo ao pleno do xoves no que se debaterán as actuacións a incluír no Plan de Obras e Servizos (POS) 2025 da Deputación da Coruña.

Pola súa banda, o PP sostén que non recibiu aviso algún e que soubo da comisión “pola prensa”.

O alcalde de Ribeira, Luís Pérez, cualificou estas afirmacións de “desinformación” e quixo deixar claro que “a convocatoria realizouse con total corrección e dentro dos prazos establecidos; todos os grupos municipais, incluído o Partido Popular, foron convocados á comisión informativa de Urbanismo e Infraestruturas mediante os procedementos habituais, e así o certifica o documento oficial asinado por min como alcalde e polo secretario municipal, que dá fe do proceso. Ese documento foi asinado o xoves 30 de xaneiro ás 14:26 horas”, explicou.

Desde o Concello considérase “inaceptábel” que, segundo explican, “sexan difundidas mentiras con ánimo de confundir á cidadanía e de erosionar a confianza nas institucións municipais”. E engaden: “A oposición ten todo o dereito a criticar e a debater, pero o que non pode facer é construír un relato falso para intentar enganar á xente co obxectivo ter un pretexto para non apoiar unha proposta que é positiva para a veciñanza”.

Por este motivo, o Goberno local insta ao Partido Popular de Ribeira a “rectificar publicamente as súas declaracións, pedir desculpas por mentir e rematar coa campaña de desinformación que leva tempo intentado crear en Ribeira”. En palabras do alcalde, “non é a primeira vez que a portavoz popular minte co obxectivo de desviar a atención ante a súa inacción pero todo ten límites”. O rexedor quixo ter unhas palabras de apoio para o persoal público: “Quero recoñecer o labor que fan os traballadores e traballadoras do Concello de Ribeira que son uns bos profesionais e realizan o seu traballo cun alto grao de profesionalidade e este tipo de estratexias partidistas non debería danar o traballo que fan”.

Dende o Concello afirman que “seguirán traballando con total transparencia e participación cos grupos da Corporación Municipal e veciñanza”, e reafirman tamén o seu compromiso co “bo funcionamento democrático e certifican que en todo momento se garántase que todos os grupos políticos dispoñen da información e das convocatorias necesarias para exercer o seu labor”.

Pola súa banda, a voceira da oposición (PP de Ribeira), Mariola Sampedro, sostivo que “nin ela nin os seus compañeiros da agrupación recibiran a comunicación” sobre a dita convocatoria, e polo tanto non foran convidados a participar nela. Afirman que tiveron constancia dela a través dos medios de comunicación, e tendo en conta isto e que a xuntanza estaba prevista para o serán deste luns 3 de febreiro, comunicáronlle ao rexedor o seu malestar. Tamén reclamaron ao alcalde “unha desculpa pública” aos membros da agrupación e tamén á cidadanía.

Outros artigos

Noia incorpora un novo axente da Policía Local

O pasado venres, o alcalde de Noia, Fran Pérez, participou na sinatura do contrato dun novo axente que se incorpora ao corpo da Policía Local, un axente que xa ten un amplo coñecemento da vila e da súa contorna tras realizar no municipio noiés o seu período de...

+

Noia Limpa recolleu 70 quilogramos de lixo na praia de Testal

Na mañá deste sábado 17 de outubro a asociación Noia Limpa levou a cabo unha nova xornada de limpeza da praia de Testal, no marco da XV Limpeza Simultánea de Praias promovida por ADEGA. Grazas ao traballo das persoas voluntarias, conseguíronse retirar un total de 70...

+

Publicidade

Revista en papel

Opinión

“Rairiz de Veiga” – Xosé González Martínez

“Rairiz de Veiga” – Xosé González Martínez

O próximo día 25, despois da misa dominical, ás 11.30 horas, celebrarase na parroquia de Rairiz de Veiga, do homónimo concello ourensán da Limia, un acto promovido pola Asociación de Funcionarios-as para a Normalización Lingüística encadrado na iniciativa En galego,...

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.