Na recta final desta semana proseguiron en diferentes núcleos de Noia os traballos impulsados polo Concello para mellorar servizos e incrementar a accesibilidade e a seguridade. Desta volta o Concello puxo o foco en Castro Lampreeiro (traballos dos que falamos hai uns días neste medio) e máis na reparación do pavimento entre San Breixo e O Couto, proxecto que leva consigo un investimento de máis de 48.000€.
En palabras do Concello trátase “dunha actuación clave para reforzar a seguridade viaria nunha zona moi transitada”.
Nas vindeiras semanas prolongaranse os traballos de posta punto dos núcleos a Ousoño e Albariza, segundo confirmaron o alcalde Santiago Freire e a concelleira Laura Salgado, que visitaron as zonas de Castro Lampreeiro, O Couto e San Breixo para comprobar o avance das tarefas desenvolvidas.
