O Concello de Noia informou do desenvolvemento dos traballos encamiñados á mellora do rueiro e dos servizos básicos no núcleo de Castro Lampreeiro, en Santa María de Roo, traballos que comezaron os días pasados e que van dirixidos a mellorar a accesibilidade, a seguridade e os servizos. Inclúese o pavimentado e máis a colocación de saneamento e pluviais.
Na mañá deste martes 11 de febreiro o lugar dos traballos foi visitado polo alcalde Santiago Freire e máis a concelleira de Obras, Laura Salgado, que acudiron para coñecer de primeira man o avance das tarefas. Durante a visita, mantiveron un encontro cos veciños, a empresa e a dirección de obra.
Cun investimento de 180.000€, “esta actuación permitirá mellorar a accesibilidade e poñer en valor este núcleo tradicional na contorna da central hidroeléctrica do Tambre”, sinalaron.
