Mar e o CETGA xuntan forzas a prol da incrementar a supervivencia da ameixa xapónica e o berberecho en tempadas de baixa salinidade

22 Xaneiro 2025

O conselleiro do Mar, Alfonso Villares, asinou este 22 de xaneiro un novo convenio de colaboración entre a Xunta e o Centro Tecnolóxico do Clúster da Acuicultura (CETGA), emprazado en Couso (Ribeira) para o desenvolvemento dun proxecto de investigación sobre a supervivencia de bivalvos (ameixa xapónica e berberecho) mediante estratexias que illen e seleccionen cepas bacterianas con características probióticas asociadas ao seu cultivo e que poidan ser empregadas para desenvolver unha estratexia de biorremediación ambiental que incremente a súa resistencia ante episodios de baixa salinidade. Villares salientou que o Goberno galego destina a esta iniciativa de xeito plurianual preto de 700 mil euros para materializar o proxecto, denominado Biorem, coa finalidade de afondar “no desenvolvemento dunha acuicultura sostíbel” e que contribúa “á seguridade alimentaria reforzando a competitividade do sector”. Dixo que o coñecemento xerado poderá ser aplicado para o deseño de estratexias de biorremediación e mellora do estado sanitario, baseadas no uso das bacterias probióticas identificadas, que mellorarán o estado do substrato no que se desenvolven.

O titular de Mar resaltou que este convenio procura facer fronte a un dos principais desafíos que enfronta o sector marisqueiro na actualidade, identificando as causas do descenso da produción e aplicando solucións biotecnolóxicas.

Centro de referencia

Para a realización deste proxecto a Consellería do Mar alíase co CETGA que contará coa colaboración de dous grupos de investigación da Universidade de A Coruña: o Grupo de Investigación en Bioloxía Evolutiva (GIBE) do Centro de Investigación Científica Avanzada (CICA) e o Grupo Microalgae do Departamento de Microbioloxía da Facultade de Ciencias.

Este centro, que agrupa ás empresas relacionadas co sector piscícola, principalmente de Galicia, é un referente internacional na acuicultura xa que os seus asociados, con plantas repartidas por toda Europa, representan o 85 % da produción europea de rodaballo e linguado. A súa misión é “ofrecer solucións innovadoras para a mellora de produtos, procesos e sistemas, mellorando a competitividade das empresas acuícolas a través da I+D, desenvolvendo actividades en diversas áreas de coñecemento”.

Outros artigos

Noia incorpora un novo axente da Policía Local

O pasado venres, o alcalde de Noia, Fran Pérez, participou na sinatura do contrato dun novo axente que se incorpora ao corpo da Policía Local, un axente que xa ten un amplo coñecemento da vila e da súa contorna tras realizar no municipio noiés o seu período de...

+

Noia Limpa recolleu 70 quilogramos de lixo na praia de Testal

Na mañá deste sábado 17 de outubro a asociación Noia Limpa levou a cabo unha nova xornada de limpeza da praia de Testal, no marco da XV Limpeza Simultánea de Praias promovida por ADEGA. Grazas ao traballo das persoas voluntarias, conseguíronse retirar un total de 70...

+

Publicidade

Revista en papel

Opinión

“Rairiz de Veiga” – Xosé González Martínez

“Rairiz de Veiga” – Xosé González Martínez

O próximo día 25, despois da misa dominical, ás 11.30 horas, celebrarase na parroquia de Rairiz de Veiga, do homónimo concello ourensán da Limia, un acto promovido pola Asociación de Funcionarios-as para a Normalización Lingüística encadrado na iniciativa En galego,...

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.