O Concello de Porto do Son informou do remate das obras dirixidas a reparar e poñer a punto o depósito de abastecemento de auga para consumo doméstico da vila sonense, cun orzamento de 90.000€, financiado pola Xunta de Galicia (FCA). A actuación consistiu na execución dunha nova cuberta plana non transitábel, non ventilada, con grava convencional, impermeabilizando a parte aérea enterrada das caras exteriores do muros, revestíndoas e pintándoas. O obxectivo da obra foi mellorar a situación actual do depósito, garantindo a súa integridade estrutural e minimizando ao máximo as perdas de auga.
