O pleno da Real Academia Galega de Belas Artes nomeou Académico de Honra a Javier Expósito Paradela, propietario do Museo do Gravado de Ribeira e vicepresidente da fundación do devandito centro museístico. O plenario reunirase en Ribeira proximamente para o acto da súa toma de posesión.
A citada institución académica recoñece así a valiosa contribución de Expósito no ámbito cultural desde un museo que atesoura máis de 40.000 obras, unha Biblioteca Ilustrada de 8.000 exemplares e un taller de gravado no que se forman artistas veteranos e noveis.
Ademais, son numerosas as institucións de varios países ás que o museo ribeirense cede fondos para exposicións temporais. Destaca ademais o Premio Atlante, que recibe centos de obras de decenas de países. O museo promove ademais encontros de artistas.
