O Concello de Porto do Son coa colaboración do Deputación da Coruña e do Proxecto Exeria, inicia este mes de novembro un programa de prevención de consumo de sustancias nocivas e de promoción de hábitos saudábeis. As actividades, que comezan este 19 de novembro cunha charla sobre os diferentes tipos de adiccións (cales coñecementos e cal é o noso alcance e repercusión), están dirixidas ao alumnado de 2º e 3º da ESO do IES de Porto do Son.
As charlas proseguirán o 26 de novembro cunha actividade formativa sobre promoción de hábito saudábeis.
O 4 de decembro haberá unha nova sesión divulgativa e de sensibilización arredor da toma de decisións (a influencia do grupo e da autoestima de cadaquén).
A formación será achegada por Exeria, empresa da Pobra do Caramiñal centrada na formación, a sensibilización e a intervención en diferentes ámbitos, actividades centradas en ámbitos como o acoso escolar, a educación emocional, a igualdade ou a mediación familiar.
