O accidente ocorreu no monte, no lugar de Río de Outes, cando o operario realizaba o seu traballo.
O persoal do Servizo de Urxencias Sanitarias de Galicia-061 chamou ao 112 Galicia sobre as 09:30 horas desta mañá para solicitar medios para evacuar ao traballador.
Indicaban que unha árbore lle caera enriba pero que estaba totalmente liberado. Sen embargo, eran precisos medios para axudar a baixalo dende o monte ata o lugar onde o agardarían os medios sanitarios, na estrada xeral.
Así, tras activar o dispositivo de actuación, os xestores do 112 puxeron os feitos en coñecemento dos Bombeiros de Boiro, do GES de Noia, da Garda Civil, da Policía Local e dos efectivos da Agrupación de Voluntarios de Protección Civil da localidade.
Con todo, debido ás lesións que presentaba a vítima, os profesionais sanitarios derivaron ao punto o helicóptero medicalizado con base en Santiago, que aterrou no campo de fútbol da localidade.
Tras estabilizar ao ferido na ambulancia foi levado ata onde o agardaba a aeronave, que o derivou ao Hospital Clínico de Santiago.
