Hoxe tivo lugar a presentación dunha nova edición do festival “Etal Equal” organizado pola
asociación “Ribeira Crea” que se deron cita xunto ca concelleira de Cultura, Antía Alberte para
dar a coñecer as novidades deste ano.
Nesta terceira edición a organización quixo darlle un cambio de formato onde haberá
mercadillo con creadores locais, degustacións gastronómicas dos bares colaboradores máis
una gran variedade de grupos e estilos musicais que soarán na praza de Teruel os vindeiros
días 7 e 8 de setembro.
Antía falou da implicación da concellería co festival por ser xente moza do tecido asociativo de
Ribeira que desexa achegar novas iniciativas. Antía agradeceu a “Ribeira Crea” pola súa
aportación, inquietude e novas ideas, “que dende o concello sempre estamos a disposición de
tódalas entidades pero sí que é certo que entidades máis pequenas e non tan asentadas tamén
hai que poñer en valor para facelas despegar” afirmou a concelleira e pola outra banda
destacou o carácter de paridade que vai a ter o festival.
A presidenta de “Ribeira Crea”, Alba Pego que dixo “que este ano queremos dar cabida ás
asociacións e artistas locais que teñan tamén un espazo na praza de Teruel; Sachos na Rúa,
Malas herbas, Tere Ramallo, Luciérnaga, Sabela, Marijó,e Goreti entre outros” e rematou
invitando aos músicos á Jam Sesion do domingo 8.
Martiño Sampedro compoñente de “Ribeira Crea” agradeceu aos comercios locais que
colaboran no festival e tamén fixo una mención especial aos dous locais de hostalería que
levan colaborando dende a primeira edición (Cocoluche e A Recoveira) que este ano achegarán
igualmente as súas tapas nas sesión vermú nos dous días de festival.
