O suceso ocorreu na nave de Rotogal, no polígono da Espiñeira, cando os traballadores estaban a mesturar materiais para a fabricación de poliuretano.
Os bombeiros do parque comarcal provincial de Boiro foron alertados ao redor das 15:30 horas desta tarde dunha explosión nunha nave no polígono de Espiñeira, no concello de Boiro. A detonación produciuse nun depósito no que mesturaban distintas substancias para a formación do poliuretano.
Os bombeiros, que a esta hora se atopan no punto, foron informados que a explosión se produciu nun depósito e non causou incendio. Debido a esta, tres persoas resultaron feridas, das cales unha delas foi trasladada inconsciente en helicóptero ao Complexo Hospitalario Universitario de Santiago.
