O Concello de Porto do Son organiza este domingo 4 de agosto un concerto con Cachas&Cousins, ás 13.00 horas na céntrica praza de España. Previamente, o sábado 3, actuarán na Romaría de Exipto, en Boiro, á mesma hora.
Cachas&Cousins é unha banda creada en Santiago de Compostela en 2014 que reivindica o estilo rocksteady e outros ritmos xamaicanos, como o ska, o rythm and blues ou o soul propio da illa caribeña que impactou nas emisoras na década dos 60. A formación está composta por oito membros (voces, guitarra, baixo, batería, percusión, saxo e trompeta), percorreu toda a xeografía galega participando en festivais como Outono Codax, Minho Reggae, Feito a Man en Santiago de Compostela, festival Rúas Vivas de Noia, Ska all Night in Vigo ou Circuito Paseantes de Pontevedra.
