A parroquia de Abanqueiro recupera esta fin de semana a súa tradicional Romaría de Exipto cun completo programa de actividades organizado pola Comisión de Festas de Exipto e que conta coa colaboración do Concello de Boiro. A concelleira de Cultura, María Outeiral, participou esta mañá na presentación da programación xunto con Rita Rodríguez e outros membros da comisión.
O programa de actividades comeza o venres coa subida dos santos da igrexa á capela, un espectáculo infantil e un concerto de Tobogán. O sábado haberá sesión vermú cun grupo local Cachas&Cousins e sardiñada, pola tarde partido de solteiros contra casados e verbena.
O domingo, o propio día da Romaría, haberá misas a cada hora dende as 9 da mañá e misa con procesión ás 13.00 horas; sesión vermú con Bafana Bafana, romaría tradicional, xogos populares pola tarde e actuacións para a verbena. “Dende a comisión estamos moi contentos de retomar a Romaría de Exipto, que levaba varios anos sen celebrarse, e apostar por un formato con moita presenza de actividades culturais”, afirmou Rita Rodríguez.
A concelleira de cultura, María Outeiral, animou a toda a veciñanza a que participe desta cita: “O Concello de Boiro segue apostando e colaborando con todas as comisións de festas que promoven e recuperan as nosas festas tradicionais”.
PROGRAMACIÓN:
Venres 2 de agosto
20.00h – subida dos santos da Igrexa de Abanqueiro á Capela de Exipto
21.00h – misa na honra da Virxe de Exipto
21.15h – espectáculo para todos os públicos: “Máis Saaabor” – Culturactiva
22.30h – concerto de Tobogán
Sábado 3 de agosto
11.00h – mercado ecolóxico na contorna da capela de Exipto
12.00h – misa na honra de San Antonio
13.00h – sesión vermú amenizada por Cachas&Cousins
13.00h – sardiñada
19.00h – pachanga Solteiros vs. Casados
20.00h – verbena con Dúo Charada e Orquestra Estrellamar
01.00h – DJ Mínimo eventos
03.00h – DL Buenrrollito e Julio Dieste
Domingo 4 de agosto
09.00h – misas na honra da Virxe de Exipto (cada hora)
13.00h – misa na honra da Virxe de Exipto, procesión e grupo de baile de Abanqueiro
14.00h – sesión vermú con Bafana Bafana
14.15h – pregón
15.30h – romaría amenizada por Ar de Loureda e Home Orquestra
16.00h – xogos populares
17.00h – torneo de birlos tradicionais
19.00h – misa na honra da Virxe de Exipto
20.30h – peche da romaría con Los Mecánicos e sesión de Curi (Os Fornos)
Luns 5 de agosto
20.00h – misa na honra de San Xosé e baixada dos santos
