A praza de Castelao de Rianxo acolle este sábado 6 de xullo o XX Festival de Baile e Música Tradicional. O estival está organizado pola Asociación Fogo Fatuo de Rianxo coa colaboración do Concello e a Área de Cultura da Deputación da Coruña. Será a partir das 21.30 hora. O cartel deste ano ilustrouse coas novas xeracións de Fogo Fatuo na paisaxe do Pazo dos Viturro en Rianxiño- Rianxo.
Fogo Fatuo é unha asociación sociocultural para a promoción da cultura tradicional galega. Foi creada en 2008 e ten a súa sede no 23 da rúa Hospital de Rianxo.
