O Galeguímetro de Amicos volve ás rúas con motivo do Día das Letras Galegas

17 Maio 2024

Un ano máis, Amicos sae á rúa para poñer a proba os coñecementos sobre Galicia e o galego da veciñanza e os visitantes do Barbanza con motivo do Día das Letras Galegas. Con este obxectivo, o Galeguímetro chegou a mañá deste venres, 17 de maio, á Praza de España de Porto do Son para premiar os coñecementos dos viandantes nesta materia. Ata a zona achegáronse a Conselleira de Política Social e Xuventude, Fabiola García, o Concelleiro de Benestar e igualdade, Pepe Lijó, o de Medioambiente, Juan José Calo, a de Cultura, Alicia, a Teniente Alcalde de Porto do Son, María José Maroñas e a vicepresidenta de Amicos, Digna Iglesias. Os cinco animáronse a participar na acción, que cumpre xa tres edicións consecutivas.
O concurso estivo conducido polos mozos e mozas do Fogar Amicos Adriana Miguéns, Manuel Prado, Alfonso Pérez e Javier González. De 12.00 a 13.00 horas, os presentadores encargáronse de explicar a temática deste xogo aos transeúntes e realizar as preguntas. Así, os e as participantes que contestaron correctamente a dúas das tres preguntas realizadas gañaron unha pulseira elaborada no taller de olería da entidade.
Entre os distintos participantes que pasaron polo posto do Galeguímetro atopáronse a Conselleira e os distintos concelleiros de Porto do Son. A primeira non dubidou en salientar que “É un auténtico gusto poder conmemorar este día tan importante para toda Galicia, como é o día das letras galegas e poder celebralo hoxe aquí, en Porto do Son acompañada coa gran familia de Amicos e a través deste fantástico xogo”
Pola súa banda, o concelleiro de Benestar e igualdade do Concello de Porto do Son, Pepe Lijó destacou que “ Estamos moi contentos de recibir sempre neste concello a Amicos, hoxe é unpracer estar aquí acompañados tamén da conselleira e xuntos poder participar nesta iniciativa que ten como obxectivo achegar aos veciños e veciñas un pouco máis a cultura da nosa terra ”.

Galeguímetro, o fomento da cultura de forma lúdica
O concurso de preguntas e respostas impulsado por Amicos con motivo do Día das Letras Galegas ten como obxectivo promover a cultura e o idioma galegos. Para iso, os amicos e amicas móvense por distintos puntos da xeografía galega para poñer a proba os coñecementos dos habitantes e premiar as súas respostas correctas.
Para iso, o posto percorre distintos puntos ao longo da semana previa a esta conmemoración.
Nesta ocasión, estaba previsto que se achegara a Boiro, A Pobra do Caramiñal e Noia antes da cita en Porto do Son, pero por mor das condicións climáticas non se puido realizar a actividade en tódolos puntos fixados.
O Galeguímetro despedirase desta edición o próximo luns, 20 de maio, en Ribeira. Alí serán os e as Pekes os encargados de conducir o concurso, cuxas preguntas abranguen aspectos como xeografía, cultura xeral ou literatura, entre outros. Nesta terceira edición contou con varias cuestións sobre Luísa Villalta, artista homenaxeada este ano.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...