MISELA presenta os seus recursos pola igualdade e anti-agresións na Mesa de fronte a Violencia de Xénero de Lousame

10 Maio 2024

O salón de plenos do Concello de Lousame acolleu a 14ª xuntanza da Mesa Local de Coordinación Institucional fronte a Violencia de Xénero, que estivo presidida por Silvia Agrafojo, concelleira Igualdade e Servizos Sociais. Unha reunión na que persoal técnico da asociación de persoas con discapacidade das comarcas de Noia e Muros, MISELA, presentou os recursos e protocolos da súa entidade na área de igualdade e prevención da violencia de xénero.

Silvia Agrafojo agradeceu a participación de MISELA nesta reunión “pois xa na anterior reunión de novembro pasado propuxemos a posibilidade de convidar a outros axentes sociais a participar nesta Mesa e resulta moi interesante coñecer tanto os recursos como as necesidades que teñen asociacións coma MISELA para tratar de coordinarnos e así seguir avanzando en materia de igualdade e na loita contra a violencia machista”.

Na xuntanza celebrada este venres 10 de maio participaron Manuela Vilaboy, xefa da Unidade contra a Violencia sobre a Muller da Subdelegación do Goberno; Pilar Cobas Cajuso, directora CPI Plurilingüe Cernadas de Castro; Julia Veiro Justo, psicóloga do CIM de Noia; Ángela Mª Costa Santos, enfermeira Centro de Saúde de Lousame; Natividad Hermo Santos, traballadora social de Lousame; Cristina Rial, cabo do equipo VIOXÉN da Garda Civil de Noia; e Mónica Castaño Ourille, técnica da Concellería de Igualdade e secretaria da Mesa. Todas elas interviron para actualizar a información sobre as actuacións levadas a cabo no municipio.

Así mesmo, a Mesa informou sobre o estado da guía Caixa de ferramentas, cos diferentes recursos de atención ás mulleres e promoción da igualdade que está a elaborar a Secretaría Xeral de Igualdade para o seu uso polas Mesas Locais e tomo coñecemento sobre as actuacións levadas a cabo no ámbito municipal de Lousame e as actividades realizadas na área de formación en prevención da violencia contra as mulleres.

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...