Coa finalidade de “facilitar que o alumnado teña acceso a un espazo apto, cómodo e tranquilo para o estudo durante estes últimos días de preparación das probas da Avaliación do Bacharelato para o Acceso á Universidade, a ABAU”, o Concello de Rianxo habilitou un novo espazo adaptado para a preparación das ditas probas e co obxectivo, tamén, de evitar a saturación da actual aula de estudo nestes días previos á celebración da dita proba, cuxa convocatoria ordinaria está prevista para os días 4, 5 e 6 de xuño (estando programada a convocatoria extraordinaria para os días 1, 3 e 4 de xullo).
O novo espazo habilitouse no primeiro andar o Auditorio Municipal de Rianxo e estará operativo en horario de tarde co seguinte horario:
Dende o mércores 29 ao venres 31de maio de 14:30 a 20:50 horas.
Sábado 1 de xuño de 16:30 a 20:50 horas.
