O Fálame Sempre celebra o seu 10º aniversario na sede da patronal boirense, que se viu ateigada de asistentes

19 Abril 2024

Este xoves 18 de abril a sede da patronal boirense (ABE) acolleu a nova edición dun dos eventos mais agardados na programación anual da asociación, o evento de experiencias innovadoras con empresas creativas Fálame Sempre, que nesta ocasión celebrou o seu 10º aniversario e que contou, novamente, coa colaboración do Concello de Boiro. Nun salón de actos cheo ata a bandeira os 5 relatores contaban con pouco mais de 6 minutos para relatar a súas experiencias xa que para as presentación usouse o formato Pecha Kucha de 20 imaxes que se proxectan cada 20 segundos.

Logo da proxección dun vídeo especial conmemorativo dos 10 anos do evento especialmente editado para a ocasión tomou a palabra o presidente da ABE, Daniel García, que se amosou exultante xa que ”é un pracer celebrar o 10º aniversario deste evento nun salón de actos cheo de caras coñecidas”, a intervención comezou facendo un recordatorio das 10 edicións do evento: “Foi no inverno de 2012 cando, case por casualidade e sen saber o potencial que tería no futuro, a ABE organizou o primeiro Pecha Kucha Boiro. Fíxose no salón de actos, que daquela non estaba amoblado, e naceu como o fan moitas cousas bonitas, con ilusión e poucos medios. Agora que celebramos o 10º aniversario podemos dicir con orgullo que a aposta pola idea de que a conxunción de cultura e empresa pode favorecer a creación de iniciativas sostíbeis e rendíbeis foi acertada e para iso só temos que repasar o listado de convidados ao longo destes anos. Para todos eles o noso máis sincero agradecemento ao igual que ao Concello de Boiro por apoiar sempre a iniciativa e a todos vós que cada ano nos acompañades nunha das citas ineludibles da comunidade cultural e empresarial Boirense”, sinalou.

Finalizada a introdución, Daniel deu paso aos primeiros convidados os compoñentes da banda local de rock Triángulo de Amor Bizarro. Isa, Rodrigo e Rafa explicaron a traxectoria do grupo con base en Barbanza que explicaron “que tras 20 anos de carreira e a pesar de tocar en salas e festivais de moitos países a decisión de ter a base en Barbanza foi un acerto xa que o entorno cultural boirense tan activo favorece á creatividade do grupo e nos aporta sinerxías positivas”.

Neste punto, Alberto García, técnico de cultura do Concello de Boiro, asumiu a presentación do acto dando paso á cooperativa Charlatana que como explicou, Eva Triñanes, unha das socias “é un novo espazo galego de creación, produción e distribución propia que integra diversas disciplinas artísticas: circo, música, teatro infantil e contos”. E engadiu: “Charlatana nace para crear un espazo de cooperación no que conflúan diversas propostas artísticas onde o obxectivo común é divertir e educar, e facéndoo a través do humor, o espírito crítico, e o debate en escena”. Charlatana, dixo, “crea espectáculos que integran valores como a igualdade, a cooperación, a reciclaxe e a cultura e lingua galegas”.

Tamén estivo presente un dos promotores do festival Revenidas, Alfonso Vilanova, que dixo respecto do evento que “este naceu a partir dunha festa popular que se celebraba na vila mariñeira de Vilaxoán, na que os veciños compartían e degustaban un dos froitos máis cobizados do seu traballo: as sardiñas asadas, que neste lugar chámanse, precisamente, revenidas. De aí toma o nome o festival”.

Vilanova deu paso a unha iniciativa da comarca, Quinteiro Doce, que como explicou Luís Tembra, CEO da empresa “tras mais de 40 anos de traxectoria hai 10 que decidimos crear a marca quinteiro doce apoiada na cultura do país e distribuímos produtos artesáns a través do comercio local galego”.

Para finalizar foi a quenda do escritor afincando en Boiro Antón Riveiro, un dos autores de máis prestixio da narrativa galega actual e con obras traducidas a varias linguas e que explicou “as complexidades da vida do escritor” reivindicou a súa figura de autónomo e relatou “as dificultades coas que se atopa a profesión do artista á hora de poder ser profesional da mesma sendo moi complicado vivir desa actividade en exclusiva”.

O acto pechouse coa intervención do alcalde de Boiro, José Ramón Romero, que quixo destacar “a puxanza do sector económico e cultural da comarca e o enorme potencial que aínda ten por desenvolver”. Ademais quixo poñer en valor “o traballo da ABE a prol do tecido empresarial local e dar os parabéns pola organización do evento durante estes 10 anos”.

Unha vez rematado o evento público, organización e relatores puideron desfrutar duns pinchos nun ambiente distentido.

Como recordo o público levou de agasallo un vaso e unha camiseta conmemorativa do evento na que lucían os nomes das mais de 50 empresas que participaron no evento ao longo das 10 edicións.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...