A Unión de Consumidores de Galicia imparte a semana que vén unha charla informativa en Rianxo sobre a reclamación de gastos hipotecarios. Será o luns 11 de marzo ás 19:30 horas no Auditorio Municipal.
A actividade enmárcase no ciclo de actividades informativas que Unión de Consumidores de Galicia puxo en marcha no mes de febreiro para explicar ás persoas consumidoras, que aínda non o fixeron, como poden reclamar os gastos dos préstamos hipotecarios formalizados antes da entrada en vigor da Lei 5/2019, do 15 de marzo, reguladora dos contratos de crédito inmobiliario.
O obxectivo desta actividade é “informar á cidadanía dos importes que poden reclamar, do prazo do que dispoñen, así como da documentación e procedemento que deben seguir para levar a diante a súa reclamación”, segundo adianta a UCGAL.
A actividade é completamente libre e non é precisa a inscrición previa.
