O Servizo de Deportes do Concello de Rianxo organiza a actividade de lecer, cultural e deportiva Camiño de Santiago 2024: O Camiño Primitivo, que se corresponde ao percorrido do Camiño de Santiago con saída desde A Fonsagrada (Lugo). A actividade desenvolverase en 6 etapas, nos meses de marzo, abril e maio, desde A Fonsagrada ata Santiago de Compostela.
O prazo de inscrición xa está aberto, e remata o 21 de febreiro ás 14 h. As preinscricións poderán formalizarse na plataforma Cluber, ademais podes consultar as bases de organización da actividade.
En caso de termos algunha incidencia podemos comunicala na oficina do Servizo de Deportes.
O pago farase etapa a etapa, co mesmo sistema que en edicións anteriores.
