O Concello de Outes conseguiu melloras de mobilidade nas parroquias de San Lourenzo e Tarás. Logo das solicitudes feitas estes meses dende o Goberno local á Xunta de Galicia, trasladándolles as necesidades e reivindicacións veciñais, o equipo do Executivo outense recibiu a confirmación de que San Lourenzo, A Famelga, A Barreira e Tarás pasarán a ter novos servizos de autobús a partires deste luns 8 de xaneiro. “Dende o Concello”, explicaron dende o Consistorio, “tamén imos seguir traballando para conseguir acordos coa Xunta e poder mellorar ou recuperar servizos recortados noutros lugares como na Ponte Nafonso”.
Podemos consultar os horarios en bus.gal.
