Ocorreu no quilómetro 48 da AC-550, ao paso pola parroquia de Abelleira. O aviso chegou ao 112 Galicia a través dos profesionais de Urxencias Sanitarias de Galicia-061, ao fío das 12:30 horas. Estes indicaron que dous coches acababan de colidir de xeito frontolateral, e que unha persoa precisaba asistencia sanitaria urxente.
No operativo participaron, ademais dos servizos sanitarios, o GES de Muros, a Garda Civil de Tráfico, os axentes da Policía Local e os operarios de mantemento da estrada.
Finalmente, a persoa ferida foi evacuada a bordo dunha ambulancia ao centro hospitalario de referencia, mentres que os servizos de emerxencias encargáronse da limpeza dos restos que quedaron sobre o asfalto.
