Este xoves 12 de outubro ás 12.30 horas a ponte de Cans (Nebra, Porto do Son) acolle unha homenaxe á veciñanza da localidade que foi asasinada na segunda década do século XX pola Garda Civil. Será unha lembranza ás mártires de Nebra e á súas historia de resistencia, en palabras da agrupación local do BNG, organizadora do acto.
Así o explica o BNG: “Un ano máis, con este acto político lembramos como o 12 de outubro de 1916, a Garda Civil asasinaba 5 labregas -catro mulleres e un home- e fería de bala outras 32 persoas en Cans-Nebra por loitar contra o pagamento inxusto e discriminatorio de impostos ao estado español”.
No acto intervirán Santi Suárez (veciño), Balbino González (portavoz municipal) e a deputada Mercedes Queixas.
