O ano da inflación a maioría das grandes conserveiras do país dispararon a súa cifra de negocio, aínda que as marxes reducíronse debido ao encarecemento dos custos tanto da enerxía como dos aceites, entre outros. Esta situación fixo que as distancias na particular clasificación das empresas do sector acurtáronse, polo menos en canto a vendas.
Segundo a documentación depositada ante o Rexistro Mercantil e recollida pola web Economía Dixital Galicia, o pasado ano Jealsa, o xigante conserveiro galego de Jesús Alonso, marcou récord de ingresos, alcanzando os 814,8 millóns de euros fronte aos 704 millóns do exercicio precedente.
Nas grandes conserveiras galegas tamén destaca Frinsa. Aínda que a maior distancia de Jealsa e Calvo en canto a vendas, a empresa ribeirense estiraron o pasado ano a súa cifra de negocio ata os 609,6 millóns de euros, case un 12% máis. É a primeira vez na súa historia que superan os 600 millóns de facturación. Frinsa tamén pechou exercicio cunhas ganancias netas de 23,7 millóns de euros, en contraposición aos 34,3 millóns de 2021.
Calvo, con sede en Carballo, reduce distancias coa gran provedora de Mercadona que é Jealsa. A compañía, en liña co resto do sector, marcou en 2022 récord de vendas, alcanzando os 678 millóns de euros, un 22% máis.