O pleno de Ribeira decidiu este luns que o Entroido e a Dorna sexan festivos locais o vindeiro 2024. Queda fóra a patrona, e o Executivo local formado por BNG, PBBI e Psde G-Psoe, pide á Igrexa que mova a patrona o segundo domingo de setembro e con iso potenciar a festa.
Antes das intervencións dos partidos o fixo a petición, a representante da Hostalería de Ribeira, Paula Parada, quen interviu solicitando que sexa festivo o Martes de Entroido polas repercusións económicas que ten, dixo, no sector a festa.
Das formacións políticas o voceiro do Psoe, Francisco Suárez-Puerta Colomer, apoiou o martes de Entroido e a Dorna, xa que dixeron que a Patrona apenas produce retorno para a hostalería e o comercio e da perdas.
O BNG a través da súa voceira, Mª Cruz Rivadulla Márquez, baseou o e seu argumento na separación de poderes e que o martes de entroido á marxe da súa importancia económica, remonta a súa celebración a século antes como festa pagana na que se iniciaban as festas da primavera. Preguntouse a voceira, porque a festa patronal da capital tiña que ser a única que non se celebrara en domingo o que podía discriminar as demáis parroquias que sempre celebran os seus patróns en domingo.
Pola súa banda o voceiro do PBBI, Vicente Mariño de Bricio, apoiou a rotación das festas a partir do vindeiro ano, se ben este partido decidiu apoiar finalmente a proposta da alcaldía de martes de entroido e a dorna.
A voceira do PP de G, María José Sampedro Fernández, lembrou á voceira do BNG que o Carme de Aguiño se celebra sempre o día 16 de xullo, e apostou pola Dorna e a Patrona, lembrando as palabras do portavoz do PBBI que o ano pasado salientou a importancia da festa de Santa Uxía e este ano cambiou de parecer.
Por último antes da votación o alcalde de Ribeira, dixo que sen entrar en cuestións sobre a celebración relixiosa e o que significa, destacou que é necesario potenciala mesma e descargou na Igrexa a responsabilidade de movela Patrona o segundo domingo de setembro, e deste xeito lograr potenciala festa patronal. O rexedor dixo que o martes de entroido é un beneficio para o sector hostaleiro e do comercio despois do inverno, e a Dorna é unha festa incluso de carácter xa internacional que atrae xente de fora.
O final a votación rexeitou a proposta do PP de G de poñer Patrona e Dorna por 10 votos a favor contra 11 votos en contra.
A proposta do equipo municipal saiu o 13 febreiro martes de Entroido e 24 de xullo a Dorna, como festivos locais con 11 votos a favor os do BNG, PBBI e PSde G-Psoe e 10 en contra os do PP de G.
