Miúdos espectáculos atopámonos, cada día, en demasiadas entidades sociais, deportivas, políticas, económicas, profesionais, empresariais, financeiras…, en relación á violación do principio de igualdade entre homes e mulleres.
Un destes últimos esperpentos materializouse na denominada Real Federación Española de Fútbol. Machistas, narcisistas, egocéntricos e lerchos sen escrúpulos á fronte deste tipo de entidades que tanto prexudica á tan cacarexada “Marca España”. O peor de todo é que faltaron á verdade, a propósito e con mala fe, manipulando vídeos, imaxes, con tal de que non se prexudicase a súa equivocada fama de integridade e de bos xestores.
Moito camiño por percorrer. A transición do 78 xa quedou moi lonxe para que todo quede en papel mollado e en mentalidades máis propias do paleolítico, onde as mulleres só servían para procrear e realizar os labores domésticos nas cavernas.
“Calladita estás máis guapa”, continúa sendo o argumento máis utilizado por estes energúmenos machistas que, case sempre, vanse de rositas. Pasan dun traballo a outro, pero continúan sendo as mesmas aves de rapina e os lobos máis desapiadados. .
