O Concello de Porto do Son acometeu este mes de setembro varias frontes de traballo, desenvolvidas en diferentes puntos do termo municipal, para a mellora de infraestruturas, accesos e servizos. Púxose o foco en fortalecer a seguridade de estradas, camiños, pasarelas e beirarrúas e tamén na accesibilidade e a comodidade dos usuarios. Actuouse por exemplo na parroquia de Nebra, reparando as varandas de protección de seguridade situadas á altura de Queiro, ou na contorna de Seráns (parroquia de San Pedro), onde se levaron a cabo melloras na pasarela de madeira que atravesa o areal de Espiñeirido-Seráns (deteriorada polo uso e as inclemencias climáticas) e que o Concello quere prolongar a todos os areais do seu territorio.
Reparación das varandas de protección de Queiro, en Nebra
Acondicionamento da contorna da pasarela de Espiñerido, na parroquia de San Pedro
Acondicionamento do acceso da Richoliña, na parroquia de Goiáns
Acondicionamento de beirarrúas nas parroquias de Queiruga e Baroña
Acondicionamento dos accesos de Rial e do Fieiro, na parroquia de Miñortos
