Un cidadán estranxeiro ao que lle constaban dous requisitorias de procura, localización e comparecencia foi detido por efectivos da Benemérita de Padrón.
Os feitos ocorreron cando un garda civil destinado no posto de Arca que se atopaba libre de servizo na localidade padronesa observou a presenza dun individuo cuxas características correspondían coa dunha persoa sobre a que constataban ordes de procura e detención nacional e internacional.
O garda civil realizou xestións para confirmar a identidade desta persoa coa central operativa de servizo, cuxos operadores confirmaron a mesma e a vixencia das requisitorias.
Tras a confirmación, o garda civil solicitou a colaboración da Policía Local para a súa identificación.
A Garda Civil de Padrón e procedeu á detención desta persoa en base á orde do Xulgado de Violencia sobre a muller nº 1 de Eivissa, unha orde internacional de procura, localización e comparecencia por un ilícito da mesma índole e unha sinalización do posto de Corcubión como presunto autor de delito
de malos tratos no ámbito familiar.
O detido pasou a dispor do xulgado de garda de Padrón.
