Un neno duns 7 anos de idade perdeu a primeira falanxe dun maimiño nun desgraciado accidente que se produciu na madrugada deste sábado mentres gozaba dunha das atraccións de feira instaladas no Malecón con motivo das festas de Ribeira.
Segundo recolle a edición dixital de La Voz de Galicia no Barbanza , a instalación foi precintada provisionalmente e, tras unha inspección, están a realizarse os informes técnicos que determinarán se pode volver poñerse en funcionamento.
Foi trasladado ao hospital comarcal de Barbanza, onde foi intervido e onde permanece ingresado. Vos pais presentaron denuncia na Comisaría.
