A axenda cultural desta fin de semana no Barbanza vainos deparar tamén un menú de música e gastronomía tradicionais galegas. Estamos a falar do festival Folclore en Escarabote (Boiro), que se celebra o venres 11 e o sábado 12 de agosto no lugar de Agramuíña. Organiza a Asociación Cultural Pedra da Aroña.
A actividade comezará este venres 11 ás 22.00 horas cun concerto a cargo de Os Carunchos e, ao rematar, unha foliada libre e participativa. Haberá paella, empanada, mexillóns e queimada. A troula prosegue ao día seguinte, sábado 12, cunha ruada por Escarabote dende o Pontellón. Ás 21.00 horas comezará a nova edición (a 33) do Festival Folclórico de Escarabote.
Colaboran o Concello de Boiro e a Deputación da Coruña.
