En marcha a nova edición da II Feira Gastromar, o salón de produtos pesqueiros de Ribeira

25 Agosto 2023


Este evento gastronómico -que se celebra entre hoxe e o domingo en horario de 13,00 a 15,15 horas e de 20,00 a 22,15 horas- está organizado pola Asociación de Empresarios de Ribeira e pretende promocionar peixes que perderon valor comercial nos últimos anos como o lirio -que ten marca rexistrada, Lirio de Ribeira-, a sardiña, o xurelo e a xarda. A maiores este ano inclúese o polbo entre as especies a promocionar ao tratarse dunha das máis capturadas pola frota local.
Entre os atractivos da feira, que contará con numerosas degustacións e actividades para todos os públicos, atópase a presenza de tres das catro foodtrucks da campaña GALICIA SABE AMAR, que ofrecerán aos asistentes distintos petiscos elaborados con produtos do mar da comunidade.

O conselleiro do Mar, Alfonso Villares, particip u hoxe na inauguración da II Feira Gastromar Ribeira, onde salientou a importancia deste tipo de eventos para promocionar os produtos locais do mar. Nesta liña,
destacou que as catro foodtrucks da campaña GALICIA SABE AMAR -que percorreron nos últimos meses distintos municipios de España vencellados co Camiño de Santiago e que agora están de volta en Galicia- achegaron xa a calidade e a excelencia dos peixes e mariscos galegos a preto de 230.000 persoas.
O titular de Mar lembrou que estas accións de posta en valor son fundamentais para promover o consumo destes alimentos e fomentar hábitos de vida saudables. No mesmo sentido, incidiu en que a ese obxectivo tamén contribuirían medidas solicitadas en numerosas ocasións ao Goberno central como a rebaixa ou eliminación do IVE dos produtos do mar, básicos na cesta da compra de moitos consumidores.
Por iso, o representante da Xunta puxo de relevo o papel de feiras como Gastromar pois permiten ao conxunto da cidadanía -tanto veciños como visitantes- coñecer produtos pesqueiros locais da máxima calidade, nutritivos e accesibles para todos os petos como o lirio, a sardiña, o xurelo, a xarda ou o polbo.
Alfonso Villares, que estivo acompañado polo director de Pesca, Acuicultura e Innovación Tecnolóxica, Antonio Basanta, e polo presidente de Portos de Galicia, José Antonio Álvarez, agradeceu á Asociación de Empresarios de Ribeira que apostase por este evento gastronómico con marcado carácter mariñeiro e avance na súa consolidación no calendario festivo da comunidade.
Neste sentido, o conselleiro destacou tamén a colaboración doutras entidades como a Sociedade Cooperativa do Mar Santa Uxía, ás confrarías de pescadores de Ribeira, Carreira e Aguiño, á Organización de Produtores de Mexillón de Galicia (Opmega) ou dos locais de hostalería de Ribeira pois nestes días de feira contribúen a dinamizar a economía do concello e da súa contorna.

Outros artigos

Ambar organizou unhas Xornadas de Formación Xurídica

A Asociación Ambar das Persoas con Diversidade Funcional, con sede principal en Frións (Ribeira) organizou unhas Xornadas deFormación Xurídica abertas á comunidade, ás que tamén asistiron familiares de persoas usuarias do centro e profesionais de Ambar. A actividade...

+

Publicidade

Revista en papel

Opinión

“Non é iso, non é iso trabúcanse”. Antón Luaces

“Non é iso, non é iso trabúcanse”. Antón Luaces

Dende o clásico "pezqueñines no, gracias" dos anos 80 do sèculo pasado, a outras campañas de corte semellante desenvolvidas polo Ministerio de Agricultura, Pesca e Alimentación, os distintos gobernos españois nunca apoiaron con convencemento ao sector pesqueiro,...