Este sábado 15 de xullo, ás 11:00 horas, inaugurarase en Ribeira a nova iniciativa de dinamización comercial da Asociación de Empresarios de Ribeira: a nova edición do mercado de establecementos locais Tendas á rúa, na praza do Concello. Participará a nova concelleira de comercio acompañada do presidente da patronal, Francisco Martínez.
No mercado participarán até 15 establecementos da localidade. A través desta actividade habilitarán espazos propios na praza do Concello, ofrecendo os seus produtos aos mellores prezos e achegando importantes oportunidades, promocións e descontos. A iniciativa desenvolverase en horario de 10:00h ás 15:00h.
