A banda de Esteiro (Muros) Terbutalina está de volta. Regresan con Que retemble o chan, o seu novo single, que xa podemos ver e escoitar nas redes sociais e que é o avance do seu novo e agardado álbum.
Que retemble o chan é o segundo dos catro títulos que a banda irá descubrindo antes da saída do seu novo longo que verá a luz en outono de este ano e que se revela como unha volta a orixe tras unha revisión dos seus principios máis esenciais.
Ao igual que Xente da noite (o primeiro tema desvelado) Que retemble o chan encara a tempada estival prometendo baile e moitos máis temas “con sabor a Terbutalina”, explican os seus integrantes, engadindo que se trata dun período “cargado de concentración, creación e gravación, que vén con sorpresas, reencontros e regalos da vida. E música, moita música”.
Gravado e producido nos estudios A Ponte polo ribeirense Tomás Axeitos e masterizado por Arturo Vaquero nos estudios Abrigueiro, a banda sigue apostando por fórmulas baseadas na confianza no talento galego.
Próximo single: 28 de xullo.
