J.C.- A VI Regata Solar que organiza Marine Instruments, coa colaboración do Concello de Baiona, o Club de Iates, Gadis, TuyPan e Coca Cola, entra na recta final de organización coa última reunión mantida estes días cos seus coordinadores. O obxectivo foi ultimar os derradeiros detalles ante a confirmación da participación de máis de 300 escolares de toda España que chegarán á vila do Val Miñor cos seus deseños de última xeración na creación de modelos de barcos e coches propulsados grazas á enerxía solar.
Ratificada a data proposta para o evento o 17 de xuño, os primeiros en achegarse á liña de saída serán a embarcacións solares, que lanzadas desde a beira da praia da Ribeira escoitarán o tiro de saída ás 11 da mañá coas primeiras probas, tanto para escolares como os que participan na categoría Open.
Trala súa conclusión o seguinte punto de acción serán as canchas de baloncesto, iniciando as súas probas os coches solares a partir da 12.30 h.
n total de 55 equipos confirmaron a súa participación, cun número superior aos 300 estudantes que, desde diferentes recunchos de España sumaranse aos centros educativos galegos. Madrid, Valladolid, Palma de Mallorca, Eivissa ou Barcelona mediranse aos representantes das catro provincias da comunidade galega.
A competición deportiva réxese por unhas normas comúns a todos os participantes. Con todo, a pericia dos pilotos e a compenetración cos seus equipos, tanto no desenvolvemento como a súa actuación na pista e na mar, decidirán aos campións de 2023.
