Municipais 2023: O PP propón actuar na fachada marítima de Castiñeiras con calmados de tráfico, paseos na Ameixida e Fonte Seca e un Centro en punta Castro

21 Maio 2023

Na noitiña de onte o Partido Popular mantivo un acto veciñal no entorno do porto de Castiñeiras (con anterioridade tamén celebrou outros mítines na Ameixida e nos Areeiros dentro da mesma parroquia) co obxectivo de explicar cales son as propostas do seu programa electoral e os motivos polos que a formación encabezada por Manolo Ruiz debe gobernar o Concello sen ter as mans atadas á espalda como aconteceu nesta lexislatura na que por primeira vez na súa historia a oposición impediu a aprobación dos orzamentos en 2022 e 2023. Xunto ao candidato á Alcalcía tamén interviñeron Álex Vidal número 4 da candidatura; Susi Paz, número 15; e Javier Sampedro, actual concelleiro no Goberno Local en representación desta parroquia.

Entre as medidas plantexadas pola formación popular para esta zona do municipio figuran a mellora da fachada marítima en varios tramos, entre os cales figuran o calmado de tráfico (un obxectivo para o cal o Concello conseguiu unha subvención europea para mellorar a seguridade viaria e reducir as emisións de CO2) e, por outra parte, a creación de sendos paseos na Ameixida e Fonte Seca e a rehabilitacion da antiga fábrica de salgadura ubicada en Punta Castro para que os veciños teñan alí un punto de encontro social: tres actuacións das que o Concello xa ten cartos consignados grazas a obtención de fondos Next Generation para executar o Plan de Turismo Sustentable.

Outras actuacións incluídas no programa electoral consisten no arranxo da rúa do Río da Rateira e rúa Mosqueiros, a instalación dun parque ecosaudable no Paseo de Castiñeiras, a ampliación da rúa do Alto da Fonte á Estrada Xeral, a plantación de árbores no paseo do Castro-Catía, a reparación das zonas de zahorra do Paseo de Touro- Ameixida, a creación dun aparcadoiro público para os vehículos que estacionaban na beirarrúa antes da curva pechada dos Mosqueiros, a remodelación de Areeiros, a ampliación da Ponte do Río Paxariñas, melloras na Chouza e nas Cobas, e executar o segundo cinto de traída de auga desde Aguiño, así como negociar a compra dunha finca xunto ao colexio para ampliar prazas de aparcamento.

Fibra
Outra proposta que figura no proxecto do Partido Popular é a de buscar solucións para a implantación de fibra óptica na parroquia, asunto sobre o que Álex Vidal explicou a xestións que se puxo a realizar dende o momento mesmo en que se incorporou á candidatura do Partido Popular para satisfacer esta necesidade.

Álex Vidal expresou a súa firme convicción de defender os intereses dos veciños de Castiñeiras co mesmo empeño que o que aplica na súa vida como deportista.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...