Este domingo 27 de setembro vaise celebrar en Boirro a sexta edición da Andaina Solidaria de JEALSA, unha camiñada impulsada pola conserveira local que arrinca ás 10.00 horas dende a praza do Concello e cuxos fondos recadados irán dar á causa solidaria da Fundación Stop Leucemia.
As persoas que queiran inscribirse poden facelo a través do código QR do cartaz.
Será un percorrido pet friendly (no que tamén poderán participar animais).
Na súa anterior edición (a quinta), a Andaina Solidaria JEALSA conseguiu xuntar máis de 6.000 euros en beneficio da organización Stop Leucemia.
Participaron preto dun milleiro de persoas e, en concreto, lográronse recadar 6.153 euros. A directora de Relacións Institucionais de JEALSA agradeceu aos colaboradores e todos os participantes: “Logramos superar a recadación dos últimos anos que vai destinada a unha fundación galega que traballa dende Santiago na investigación da leucemia”.
A Fundación Stop Leucemia traballa na loita contra o cancro hematolóxico a través da investigación. O diñeiro recadado neste tipo de actividades solidarias e deportivas serve para que se siga mantendo a investigación.
