A consigna, o consello, a petición, e ata a esixencia é, e será sempre, “non baixar a garda”, que foi o que pediu o director xeral da Organización Mundial da Saúde (OMS), Tedros Adhanom Ghebreyesus, no momento de proceder, este venres, a declarar a fin da emerxencia da saúde pública de importancia internacional pola Covid-19.
Na súa décimoquinta reunion. o Comité de Emerxencia recomendou que fora declarada a fin da emerxencia de saúde pública de importancia internacional, consello que foi aceptado polo director xeral da OMS, quen empregará unha disposición do Regulamento Sanitario Internacional njnca ata o de agora utilizada para estabelecer un Comité de Revisión que desenvolva recomendacións permanentes a longo prazo `para os países sobre como xestionaren a Covid-19 de xeito contino.
O responsable máximo da OMS fixo un canto á habilidade e adicación dos traballadores da saúde , a innovación dos investigadores e desenvolvedores das vacinas en as decisións que os gobernos tiveron que tomar fronte á evidencia cambiante, o que non impediu que o director da OMS fixera fincapé en que non se trata dunha decisión precipitada: “É unha decisión considerada coidadosamente durante algún tempo, planificada e tomada sobre a base dunha análise coidadosa dos fatos”, dixo.
Malia todo, se ben desaparece a emerxencia sanitaria, engadiu Tedros, “o virus segue a circular, polo que a situación podería revertirse”. Por este motivo dixo que non dubidaría en convocar outro Comité de Emerxencia “se a Covid-19 pon novamente en perigo e noso mundo”, sentenciou.
A semana pasada, a Copvid-19 cobróuse unha vida cada tres minutos. Mentras estamos a analizar estes feitos, milleiros de persoas de todo o mundo loitan pola súa vida en unidades de coidados intensivos. E millóns máis seguen a vivir cos efectos debilitantes causados pola enfermidade.
Velaí a impkrtgabncia de “noin baixar a garda”, porque o pior que podería facer agora calquera país é utilizar esta nova como motivo para “baixar a garda”, desmantelar os sistemas que construiu e mandar a mensaxe á súa poboación de que a Covid-19 non é nada do que se preocupar, insistiu.
O risco de que xordan novas variantes que causen novos repuntes de casos e mortes, existe. E Tedros instou a transicionar dom modo “emerxencia” cara unha xestión de C ovid-19 ao nivel doutras enfermidades infecciosas.
Porque o virus está ahí, circulando en todos os países; e aínda que a pandemia non rematou, xa non falamos dunha enfermidade nova e a situación millorou notablemente. con menor mortalidade e un maior nivel de inmunidade inducida por vacinas ou de xeito natursl, e un millor acceso a diagnósticos, vacinas e tratamentos.
Como dixo o director mundial da Saúde, xa é hora de mudar a ferramenta e deixar atrás o nivel de emerxencia de saúde pública.
Collamos a ferramenta nova e man a man cos sanitarios e o colectivo de investigación, os gobernos e a cidadanía, deamos a resposta axeitada ao que aquí quede dun mal que debemos convertir en algo asumible contra o que se pode loitar con medios coñecidos. Temos experiencia. E medios.