Este martes 30 de maio, ás 11.30 horas, a Asociación de Empresarios de Ribeira estará no local da floraría Mandrágora, o establecemento que outorgou o premio de 1.000 euros da campaña local do Día da Nai, para materializar o galardón concedido, que consiste na posta a disposición da persoa gañadora dunha asistente persoal en compras que lle axudará a gastar a devandita contía nos comercios participantes da campaña. Estarán presentes a gañadora do premio e o presidente da asociación, Francisco Martínez Gude.
O premio grande desta campaña foi o devandito vale de compra por importe de 1.000€ e o asesoramento dunha personal shopper que acompañará á persoa premiada no momento de realizar as compras do premio. Este tiña que ser gastado un día en concreto a determinar entre a asociación e a/o premiada/o nos establecementos participantes nesta campaña, como data máxima o 31 de maio de 2023. O importe deste premio terá que ser investido tres sectores que participan nesta campaña: comercio, hostalería e restauración.
Ademais de todo o devandito, na mesma xornada do martes, a partir das 16.00 horas, celebrarase no local da asociación o obradoiro Coñece as prendas que máis favorecen a cada silueta, impartido por Mónica Pintos, asesora de imaxe. Inscricións no 981 873 719.