Cumprindo unha tradición que se remonta a finais do século XIX a Parroquia de Santa Uxía de Ribeira celebra este derradeiro domingo de maio a tradicional procesión da Carroza, en honor á Virxe María. Neste desfile de nenas e nenoa, ataviadas como anxiños, réndese homenaxe a María nunha cerimonia moi activa, coa melodía do “triunfi gloria”.
Procesión da Carroza nas rúas de Ribeira. foto arquivo Joferpa. anos 60.
As rúas máis céntricas de Ribeira acollerá as 13 horas deste domingo unha edición máis da centenaria procesión da Fillas de María. Trátase dun dos actos sociais máis esperados polas nenas que cumpren os catro anos, ás que as súas nais xa apuntan ao pouco de nacer para formar parte desa congregación. Tamén é moi agardada polos seus familiares que deciden acompañalas da man ou a escasos metros para velas desfilar sobre o pavimento ou sentadas na carroza sobre a que vai colocada a imaxe da Virxe e que é arrastrada por varios mozos.
Si o tempo o permite a procesión percorrerá as rúas da capital a partir das 13 horas deste domingo. Previamente as 12 celebrarase a misa solemne.
