A Movilidad y Agenda Urbana acaba de publicar a resolución provisional da liña 2 da convocatoria de axudas para a rehabilitación de edificios de titularidade pública (PIREP) no marco do seu Plan de
Recuperación, Transformación e Resiliencia e, unha vez mais, o Concello de Ribeira é unha das entidades beneficiarias pois, se na liña 1 se conqueriran 2,8 millóns de euros para reformar a casa consistorial, desta vez son 539.033,16 euros os que obtén coa fin de rehabilitación o edificio do Conservatorio de Aguiño
En total foron 181 as entidades españolas que resultaron beneficiarias (en Barbanza tamén foi elixida a rehabilitación da Casa de Cultura de Boiro). A proposta de Aguiño obtivo un total de 59,33 euros, acadando o importe máximo subvencionable. O Concello deberá cofinanciar a actuación con 145.000 euros.
Hai que lembrar a este respecto que no pasado mes de xuño distintos representantes do Concello (as edís Ana Barreiro, Juana Brión e María Sampedro) mantiveron un encontro de traballo cos representantes das distintas entidades que son usuarias do edificio do Conservatorio para consensuar posibles actuacións dirixidas á mellora da eficiencia enerxética en edificios públicos con miras a presentar unha proposta ao PIREP: programa que ten por obxecto reducir, alo menos, un 30% o consumo de enerxía primaria non renovable e potenciar a habitabilidade mellorando a accesibilidade física, cognitiva ou sensorial dos inmobles e o mantemento e a sustentabilidade ambiental de todo tipo de edificios de uso público.
