Axentes da Policía Nacional detiveron a un home que acosou sexualmente a través de redes sociais a 25 mulleres de entre 13 e 22 anos de 16 provincias. Identificáronse un total de 25 vítimas residentes en distintos puntos de España entre eles A Coruña e Pontevedra, das que 15 son menores de idade e o resto teñen entre 18 e 22 anos.
A investigación, denominada ‘Ganímedes’, iniciouse en decembro de 2020 por mor dunha denuncia interposta por unha menor de 14 anos en Comisaría de Distrito das Delicias de Valladolid.
As primeiras pescudas permitiron corroborar os datos denunciados e que o presunto autor era consciente da idade da menor e, tras meses de investigacións logrouse identificar e localizar ao individuo nunha localidade da provincia de Sevilla.
A análise dos axentes permitiu detectar que, través de aplicacións para chatear ou redes sociais frecuentadas por adolescentes, o arrestado buscaba vítimas moi novas, de 13 a 22 anos.
